O 23 d’abril zilebramos o diya d’Aragón. Lo de ista añada se para en un 2015 que ba á estar fundamental ta benzer á o dragón d’o sistema capitalista, bipartidista e rezentralizador. Cambear Uesca, como proyeuto alternatibo, ziudadano e monezipalista que ye, esfiende un Aragón esferén, texido dende os alazets y con rispeto á las suyas minorías, luegüisticas e culturals. Queremos un diya d’Aragón en o que se aprezie a unidat popular que quiere protagonizar a suya Istoria, construyindo y espardindo aizions culturals que sigan ta que la chen pille conzenzia e autue. Aragón ye un pueblo rico, con sieglos de Istoria, que han forchato a suya traza de estar. Una Istoria que no debe estar manipoliata per dengún, espezialmén per as nuebas corrientes rebisionistas que quieren negar-nos como pueblo. A memoria republicana, os Decretos de Nueba Planta u as rilazions istoricas con Catalunya son intes de o nuestro esdebenidero que debemos ficar en o nuestro rilato istorico sin complexos e sin falsas güelladas.
Esfendemos lo común, un poder pulitico ta las aragonesas, amplo, autonomo e libre, que afonde en a nuestra libertá fren á os mercatos y en a organizazión d’alternatibas. O dreito á dezidir embreca, tamién, refirmar á l’asoziazionismo cultural, á las nuestras radizes. Senifica chenerar sinerchias ta cambear l’autual estato de cosas e liberar-nos d’as cadenas d’os de siempre. ¿Te apuntas á o cambeo?